«Արարատ» ֆուտբոլային ակումբի բժշկական շտաբին միացել է կինեզիոթերապիստ Գևորգ Մխեյանը։
Այս մասին հայտնում է երևանյան ակումբի մամուլի քարտուղարությունը:
Գևորգ Մխեյանը հանդիսանում է Հայաստանի Ֆիզիկական կուլտուրայի և սպորտի պետական ինստիտուտի շրջանավարտ։
Ներկայում նա աշխատում է «Սուրբ Գրիգոր Լուսավորիչ» բժշկական կենտրոնում և Հայաստանի ազգային բժշկական պալատում, ինչպես նաև համագործակցում է ըմբշամարտի ազգային հավաքականի հետ։
