Սա պատմական հաղթանակ է. Նոայի գլխավոր մարզիչ Սանդրո Պերկովիչի մեկնաբանությունը

Չեմպիոնների լիգայի որակավորման 1-ին փուլի «Նոա»-«Բուդուչնոստ» խաղից հետո տանտերերի գլխավոր մարզիչ Սանդրո Պերկովիչը մեկնաբանել է առաջին պաշտոնական խաղում իր թիմի հաղթանակը, որը նաև առաջինն էր Չեմպիոնների լիգայում:

«Շնորհավորում եմ իմ ֆուտբոլիստներին հաղթանակի կապակցությամբ: Կարծում եմ՝ մեր ակումբի համար սա պատմական հաղթանակ է. առաջին հաղթանակը Չեմպիոնների լիգայում։ Երջանիկ եմ, որ մենք կարողացանք գտնել հաղթանակի հասնելու ճանապարհը։ Նաև ցանկանում եմ շնորհակալություն հայտնել մեր երկրպագուներին։ Մենք զգում էինք նրանց էներգիան, աջակցությունը։ Հույս ունեմ, որ նրանք մեզ հետ կլինեն ամբողջ մրցաշրջանի ընթացքում», – ասել է Սանդրո Պերկովիչը:

Աբովյանում երեկ կայացած հանդիպումն ավարտվել է «Նոայի»՝ 1:0 հաշվով հաղթանակով: Թիմերի միջև պատասխան խաղը կկայանա հուլիսի 15-ին Մոնտենեգրոյում: