Պետք է հաղթենք յուրաքանչյուր խաղում․ Ուլադ Օմարը՝ Բուդուչնոստի դեմ կայացած հանդիպումից հետո

Չեմպիոնների լիգայի որակավորման 1-ին փուլի «Նոա»-«Բուդուչնոստ» խաղից հետո հանդիպման միակ գոլի հեղինակ Իմրան Ուլադ Օմարը կիսվել է տպավորություններով․

«Շատ երջանիկ եմ գոլի համար։ Ուրախ եմ, որ սա առաջինն էր նաև «Նոայի» համար այս մրցաշարում։ Հիանալի նվաճում է։ Ամենակարևորն, իհարկե, այն է, որ հաղթեցինք։ Շատ երջանիկ ենք այս հաղթանակի համար։ Կարծում եմ՝ մեկ գնդակի տարբերությամբ հաշիվները միշտ էլ վտանագավոր են։ Դու երբեք չգիտես, թե ինչ կլինի ֆուտբոլում, քանի որ գնդակը կլոր է։ Այնպես որ, ցանկացած հաշիվն էլ վտանգավոր է։ Բայց մենք պետք է հաղթենք յուրաքանչյուր խաղում։ Հիանալի մթնոլորտ էր մարզադաշտում։ Սպառված տոմսեր, բազում մարդիկ, հիանալի էմոցիաներ բոլորի համար։ Երբ ես գոլ խփեցի, տեսա, որ բոլորը տոնում էին, երջանիկ էին, ճայթուկներ եղան։ Շատ լավ էր»։

Հիշեցնենք, որ Ուլադ Օմարը գոլի հեղինակ էր դարձել 68-րդ րոպեին ու հաղթանակն պարգևել «Նոային»։ Թիմերի միջև պատասխան հանդիպումը տեղի կունենա հուլիսի 15-ին՝ Պոդգորիցայում։