Բասկետբոլի Հայաստանի Մ16 հավաքականը ջախջախել է Ջիբրալթարին

Հայաստանի մինչև 16 տարեկանների հավաքականը շարունակում է հաջող ելույթները Եվրոպայի առաջնության C դիվիզիոնի A ենթախմբում։

2-րդ տուրում կայացած խաղում Հայաստանի հավաքականը խոշոր՝  102:46 հաշվով պարտության է մատնել Ջիբրալթարի մարզուհիներին:

Հանդիպման ամենաարժեքավոր բասկետբոլիստ է ճանաչվել Արենի Օհանյանը։ Նա վաստակել է 22 միավոր, 9 անգամ տիրել է անդրադարձող գնդակին ու կատարել է 1 արդյունավետ փոխանցում։

Հայաստանի  մարզուհիների  երրորդ հանդիպումը նշանակված է վաղը՝ հուլիսի 10-ին, Կիպրոսի բասկետբոլիստուհիների հետ:

Ավելի վաղ, աղջիկների հավաքականը հաղթել էր Վրաստանին։

Ալբանիայում՝  Եվրոպայի առաջնության C դիվիզիոնի A ենթախմբում  հաղթանակներ  է  գրանցել նաև  ՀՀ մինչև 16 տարեկան տղաների հավաքականը: Մեր մարզիկները նախ հաղթել են  Մոլդովայի (80:56), ապա Մալթայի պատվիրակներին (96 : 46):