Շատ լավ տրամադրությամբ մոտենում ենք վաղվա հանդիպմանը․ Ռոբերտ Արզումանյան

Կոնֆերենցիաների լիգայի որակավորման առաջին փուլի «Ուրարտու»-«Նեման» դիմակայության առաջին խաղից առաջ տեղի է ունեցել թիմի գլխավոր մարզիչ Ռոբերտ Արզումանյանի ու պաշտպան Ժիրայր Մարգարյանի մամուլի ասուլիսը։

«Լավ նախապատրաստական շրջան ենք ունեցել։ Ընկերական հանդիպումներ անցկացրինք ու հնարավորինս օգտագործեցինք այս ժամանակահատվածը թիմին իմ խաղն ավելի մանրակրկիտ բացատրելու ու այն իրագործելու համար։ Կարծում եմ պատրաստ ենք։ Շատ լավ տրամադրվածությամբ ու տրամադրությամբ մոտենում ենք վաղվա հանդիպմանը։

Իմ զգացողություններն «Ուրարտուում» 1-ին պաշտոնական հանդիպումն անցկացնելու առիթով միայն դրական են։ Այս ակումբն իմ կյանքի մի մասն է ու միշտ կլինի։ Ես այստեղ ունեցել եմ դրական էմոցիաներ, լավ աշխատանք, հատկապես երիտասարդ ֆուտբոլիստների հետ միասին առաջադիմել ենք։ Մեծ ուրախությամբ ու պատրաստակամությամբ ընդունեցի այս մարտահրավերը։ Միայն ուրախ եմ դրա համար»։

Մանրամասն տեսանյութում․ 

Հիշեցնենք, որ «Ուրարտու»-«Նեման» հանդիպումը կկայանա հուլիսի 10-ին «Ուրարտու» մարզադաշտում ու կմեկնարկի 20։30-ին։