Չեմ ցանկանում խոսել մրցակցի մասին․ Մտածում ենք մեր խաղի մասին․ Հենրի Ավագյան

Կոնֆերենցիաների լիգայի որակավորման 1-ին փուլի «Փյունիկ»-«Տրե Ֆիորի» դիմակայության 1-ին խաղից առաջ տեղի է ունեցել երևանյան ակումբի դարպասապահ Հենրի Ավագյանի ու գլխավոր մարզիչ Եղիշե Մելիքյանի մամուլի ասուլիսը։

Ավագյանը նշել է, որ թիմ վերադառնալուց հետո գաղափարները նույնն են։

«Մելիքյանի հետ աշխատել եմ 2 տարի «Փյունիկում»։ Նպատակներն ու գաղափարները նույնն են։ Սպասելիքները միշտ էլ բարձր են։ Կփորձենք առավելագույնս լավ հանդես գալ բոլոր հանդիպումներում և դրական արդյունքի հասնել։ Ես չեմ ցանկանում խոսել մրցակցի մասին։ Մենք ավելի շատ մտածում ենք մեր խաղի մասին։ Պետք է փորձենք լավագույն որակները դրսևորել դաշտում ու հասնել դրական արդյունքի», - ասել է Ավագյանը։

Հիշեցնենք, որ «Տրե Ֆիորի»-«Փյունիկ» հանդիպումը կկայանա հուլիսի 10-ին և կմեկնարկի 23։00-ին։