Բասկետբոլի աղջիկների Մ16 հավաքականը պարտվեց Կիպրոսին, բայց դուրս եկավ կիսաեզրափակիչ
Աղջիկների Հայաստանի Մ16 հավաքականն ավարտեց իր ելույթները Եվրոպայի առաջնության C դիվիզիոնի խմբային փուլում:
Երրորդ խաղում Հայաստանի հավաքականը 69:73 հաշվով պարտվեց Կիպրոսի հավաքականին:
Հայաստանի կազմում ամենաարժեքավոր խաղացողը Արենի Օհանյանն էր՝ վաստակած 20 միավորով: Նա նաև 6 անգամ տիրել է օղակից անդրադարձող գնդակին և կատարել 3 արդյունավետ փոխանցում:
Հայաստանի հավաքականը կայացած խաղերից հետո ունի 2 հաղթանակ և 1 պարտություն, այսպիսվ մեր թիմը պայքարը կշարունակի կիսաեզրափակիչ փուլում:
Ավելի վաղ, Հայաստանի հավաքականը հաղթել էր Ջիբրալթարի ու Վրաստանի հավաքականներին։
