Ինչպես տեղեկացնում է «Սյունիքի» մամուլի ծառայությունը, ակումբը երկկողմ համաձայնությամբ դադարեցրել է համագործակցությունը 1-ին թիմի ֆուտբոլիստներ Սևակ Ասլանյանի, Սերգեյ Ռեզնիչենկոյի, Հովհաննես Սուքիասյանի, Պողոս Կրմզյանի, Արման Մկրտչյանի, Պետրոս Աֆաջանյանի, Ռամին Ալիի, Անդրիյա Կրիվոկապիչի, Մամադու Դիալոյի, Պատվական Ավետիսյանի, Արտյոմ Հարությունյանի, Համլետ Մինասյանի հետ։
«Սյունիքը» շնորհակալություն է հայտնել ֆուտբոլիստներին կատարած աշխատանքի, պրոֆեսիոնալիզմի, նվիրվածության համար և մաղթել լավագույնը։
Հիշեցնենք, որ «Սյունիքը» իրավունք էր ստացել մասնակցելու Հայաստանի Պրեմիեր լիգայի 2025/26 մրցաշրջանին, սակայն որոշել է շարունակել ելույթներն Առաջին խմբում։
