Խաչանովն առաջադիմել է, Ավանեսյանը դուրս մնացել թոփ 50-ից․ Թենիսի թարմացված դասակարգման աղյուսակը

Հրապարակվել է թենիսի տղամարդկանց ու կանանց վարկանիշային թարմացված աղյուսակը։

Տղամարդկանց դասակարգման աղյուսակի առաջատարը Ուիմբլդոնի հաղթող, իտալացի Յանիկ Սիներն է 12030 վարկանշով։ 2-րդը իսպանացի Կառլոս Ալկարասն է (8600), իսկ լավագույն եռյակը եզրափակում է Գերմանիան ներկայացնող Ալեքսանդր Զվերևը (6310)։

Ռուսաստանը ներկայացնող հայազգի թենիսիստ Կարեն Խաչանովը, որը հասավ Ուիմբլդոնի 1/4 եզրափակիչ, առաջադիմել է 3 հորիզոնականով ու 2590 վարկանշով 17-րդն է։

Կանանց աղյուսակի առաջատարը Բելառուսի ներկայացուցիչ Արինա Սոբոլենկոն է 12420 վարկանշով։ 2-րդ տեղում, 7669 վարկանշով, Ֆրանսիան ներկայացնող Կորի Գաուֆն է, իսկ 3-րդ հորիզոնականում Ուիմբլդոնի հաղթող, լեհ, Իգա Սվյատեկն է։

Հայաստանի ներկայացուցիչ Էլինա Ավանեսյանը նահանջել է 4 հորիզոնականով ու 1090 վարկանշով 51-րդն է։