Գիտենք, որ բարդ խաղ է սպասվում․ Պատրաստ ենք լավ խաղ ցուցադրել․ Գոնսալու Սիլվա

Չեմպիոնների լիգայի որակավորման 1-ին փուլի «Բուդուչնոստ»-«Նոա» դիմակայությունից առաջ տեղի է ունեցել Հայաստանը ներկայացնող ակումբի պաշտպան Գոնսալու Սիլվայի ու գլխավոր մարզիչ Սանդրո Պերկովիչի մամուլի ասուլիսը։

«Մենք գիտենք, որ բարդ խաղ է սպասվում, այնպես, ինչպես Հայաստանում։ «Բուդուչնոստն» ունի փորձառու ու որակյալ ֆուտբոլիստներ։ Վաղը մենք տալու ենք ամեն ինչ, որպեսզի մեր գործը լավ կատարենք։ Մենք պատրաստ ենք ցանկացած սցենարի։ Պատրաստ ենք լավ խաղ ցուցադրել։

Ֆուտբոլիստներ կան, որոնք գնացին, ֆուտբոլիստներ կան, որոնք եկան։ Նոր եկածները որակ են բերել թիմին։ Այս մրցակցությունն առաջնահերթ օգուտ է թիմին», - նշել է Սիլվան։

Մանրամասն տեսանյութում․



Սանդրո Պերկովիչի մեկնաբանությունները կարող եք ընթերցել այստեղ։

Հիշեցնենք, որ դիմակայության 1-ին խաղում Հայաստանի չեմպիոնը հաղթել էր նվազագույն հաշվով։ Պատասխան խաղը կկայանա հուլիսի 15-ին ու կմեկնարկի Երևանի ժամանակով 23։00-ին։