Բուդուչնոստը ցույց տվեց, որ լավ թիմ է․ Մոտենում ենք խաղին կարծես հաշիվը 0-0 է․ Սանդրո Պերկովիչ

Չեմպիոնների լիգայի որակավորման 1-ին փուլի «Բուդուչնոստ»-«Նոա» դիմակայությունից առաջ տեղի է ունեցել Հայաստանը ներկայացնող ակումբի պաշտպան Գոնսալու Սիլվայի ու գլխավոր մարզիչ Սանդրո Պերկովիչի մամուլի ասուլիսը։

«Պատասխան խաղն է։ Մոտենում ենք խաղին այնպես, կարծես հաշիվը 0։0 է։«Բուդուչնոստն» 1-ին խաղում ցույց տվեց, որ լավ թիմ է, փորձառու ֆուտբոլիստներով ու գիտեն ինչպես հանդես գալ նման խաղերում։ Մենք հավատում ենք մեր որակներին։ Մենք կտանք մեր լավագույնը, որպեսզի հասնենք որակավորման 2-րդ փուլ։

Իմ ադապտացիան շատ լավ է անցել։ Թե՛ խաղացողները, թե՛ ակումբի անդամներն ամեն ինչ անում են, որպեսզի շատ լավ հարմարվեն ես ու իմ թիմը։ Տպավորություն չունեմ, թե նոր եմ եկել Հայաստան, կարծես վաղուց այստեղ լինեմ։ Շատ գեղեցիկ երկիր է Հայաստանը, Երևանը, ուղղակի, դեռ շատ ժամանակ չենք ունեցել, որպեսզի շատ բան բացահայտենք։ Այս 2 խաղերը, նախ ժամանակացույցն է շատ խիտ, ապա շատ կարևոր են», - նշել է Պերկովիչը։  

Մանրամասն տեսանյութում․



Գոնսալու Սիլվայի մեկնաբանությունները կարող եք ընթերցել այստեղ։

Հիշեցնենք, որ դիմակայության 1-ին խաղում Հայաստանի չեմպիոնը հաղթել էր նվազագույն հաշվով։ Պատասխան խաղը կկայանա հուլիսի 15-ին ու կմեկնարկի Երևանի ժամանակով 23։00-ին։