Եկել ենք հաջորդ փուլ անցնելու համար․ Ռոբերտ Արզումանյան

Կոնֆերենցիաների լիգայի որակավորման 1-ին փուլի «Ուրարտու»-«Նեման» դիմակայության պատասխան խաղից առաջ երևանյան ակումբի գլխավոր մարզիչ Ռոբերտ Արզումանյանը պատասխանել է լրագրողների հարցերին․

Խաղի մասին․ «Այս խաղից առաջ ավելի պատրաստ ենք, քան նախորդ խաղին։ Այդպես շարունակական է լինելու, սա պրոցես է, բայց կոնկրետ նախորդող խաղին ավելի քիչ ժամանակ է եղել, հատկապես, ընկերական խաղերի առումով։ 2 խաղ ենք խաղացել և այս հանդիպմանը շատ ավելի լավ ենք պատրաստ ու եկել ենք հաջորդ փուլ անցնելու համար»։

Իր գլխավորությամբ նախորդ եվրագավաթային դիմակայության մասին․ «Հիշողությունները դրական են։ Այն ժամանակ ուժեղ մրցակցի՝ «Մարիբորի» հետ էինք, բայց 1-ին խաղն արտագնա էր։ Այս մրցակիցն էլ է ուժեղ։ Տարբերությունն այն է, որ նրանց առաջնությունն ընթացքի մեջ է, բայց ամեն հանդիպում տարբեր է, շատ ժամանակ է անցել և այս խաղը, յուրաքանչյուրի խաղի պես, յուրովի է և մենք միայն հաղթանակի մտքով ենք վաղը մտնելու խաղադաշտ, որպեսզի անցնենք հաջորդ փուլ»։

Մրցակիցն ուժեղ է։ Վերջին տարիներին մասնակցել է Կոնֆերենցիաների լիգայի խաղարկությանը։ Ունեն փորձառու ֆուտբոլիստներ, ֆիզիկապես պինդ են ունեն հստակ խաղաոճ, որին ականատես եղանք 1-ին խաղին։ Վերլուծել ենք և գիտենք, թե ինչպես են իրենց դրսևորելու յուրաքանչյուր իրավիճակում, ըստ այդմ էլ պատրաստվել ենք այս հանդիպմանը», - ասել է Արզումանյանը։

Հիշեցնենք, որ դիմակայության 1-ին խաղում «Ուրարտուն» զիջել էր 1։2 հաշվով։ Պատասխան հանդիպումը կկայանա հուլիսի 17-ին՝ Հունգարիայում։ Մեկնարկը՝ 22։00-ին։