Այս խաղից հետո մեր եվրոպական ուղին նոր սկսվում է․ Եղիշե Մելիքյան
Կոնֆերենցիաների լիգայի որակավորման 1-ին փուլի «Փյունիկ»-«Տրե Ֆիորի» (5։0) խաղից հետո երևանյան ակումբի գլխավոր մարզիչ Եղիշե Մելիքյանը պատասխանել է լրագրողների հարցերին։
Առանձնացրել ենք մի քանի ուշագրավ միտք Եղիշե Մելիքյանից․
«Շատ բան չեմ ուզում ասել։ Զարմացած չեմ։ Գիտեինք, որ կանցնենք այս թիմին ու անցանք։ Համարում եմ, որ այս խաղից հետո եվրոպական ուղին նոր սկսվում է։ Ուզում եմ ներողություն խնդրել արտագնա խաղի համար։ Դրսի խաղը ես պարտվեցի, իսկ ներսի խաղը հաղթեցին իմ տղաները։ Ապրեն իրենք»։
Շատ չէի մտածում 2-րդ փուլի մասին։ Կենտրոնացած էի ապացուցել, որ արտագնա խաղը պատահական ստացվեց։ Ունենք ժամանակ, կվերլուծենք «Դյորին»։
«Մեր թիմում մթնոլորտը լավ է։ Լավ կոլեկտիվ է։ Ինչ խոսում են չար լեզուները՝ մենք ապացուցում ենք դաշտում, որ դա այդպես չէ։ Ամենաառողջ կոլեկտիվում էլ լինում են պատահարներ։ Ես պաշտոնապես ասում եմ, որ մեր կոլեկտիվը առողջ ու լավն է»։
