Բելգրանոն պարտվեց․ Սելարայանը մասնակցեց ամբողջ հանդիպմանը
Արգենտինայի առաջնության 2-րդ հատվածի՝ Կլաուսուրայի 2-րդ տուրում «Բելգրանո դե Կորդոբան» ընդունել էր «Ռասինգին» ու զիջեց նվազագույն հաշվով։
Տանտերերի մեկնարկային կազմում էր ընդրգրկված Հայաստանի ազգային հավաքականի կիսապաշտպան Լուկաս Սելարայանը։ Վերջինս մասնակցեց ամբողջ հանդիպմանն ու հեղինակավոր SofaScore կայքի կողմից արժանացավ 7,4 գնահատականին։
Այս հանդիպումից հետո «Բելգրանոն» 20 միավորով 22-րդ հորիզոնականում է։
Հաջորդ տուրում Սելարայանի թմի մրցակիցը «Ինդեպենդենտե Ռիվադավիա Դե Մենդոսան» է։
