Հայտնի է Նոայի հավանական մրցակիցը ԵԼ-ի որակավորման 3-րդ փուլում

Շվեյցարիայի Նիոն քաղաքում կայացավ Եվրոպա լիգայի որակավորման երրորդ փուլի վիճակահանությունը։

Հայաստանի չեմպիոն «Նոան» հունգարական «Ֆերենցվարոշի» արգելքը չհաղթահարելու դեպքում, Եվրոպա լիգայի որակավորման 3-րդ փուլում կմրցի «Լինքոլն Ռեդ Իմպս» (Ջիբրալթար) -«Ցրվենա Զվեզդա» (Սերբիա) զույգի պարտվողի հետ։

ԵԼ-ի որակավորման 3-րդ փուլի 1-ին հանդիպումները նախատեսված են օգոստոստի 7-ին, պատասխան խաղերը՝ օգոստոսի 14-ին։

Հիշեցնենք, որ ՉԼ-ի որակավորման 2-րդ փուլի «Նոա»-«Ֆերենցվարոշ» դիմակայության 1-ին հանդիպումը կկայանա վաղը՝ հուլիսի 22-ին Աբովյանի «Վահագն Թումասյանի անվան մարզահամալիրում» և կմեկնարկի 20։00-ին։ Հունգարական թիմի արգելքը հաղթահարելու դեպքում Սանդրո Պերկովիչի թիմը կմրցի «Ռիյեկա» (Խորվաթիա) -«Լուդոգորեց» (Բուլղարիա) զույգի հաղթողի հետ։