Բիչախչյանի ու Սերոբյանի թիմերի հավանական մրցակիցները ԵԼ-ի որակավորման 3-րդ փուլում

Շվեյցարիայի Նիոն քաղաքում կայացավ Եվրոպա լիգայի որակավորման երրորդ փուլի վիճակահանությունը։

«Լեգիա Վարշավան», որի կազմում հանդես է գալիս Հայաստանի ազգային հավաքականի կիսապաշտպան Վահան Բիչախչյանը, չեխական «Բանիկի» արգելքը հաղթահարելու դեպքում կմրցի «Ցելյե» (Սլովենիա) - «ԱԵԿ Լարնակա» (Կիպրոս) զույգի հաղթողի հետ։

Ազգային ընտրանու մեկ այլ կիսապաշտպանի՝ Արթուր Սերոբյանի «Շերիֆը» նիդերլանդական «Ուտրեխտի» արգելքը հաղթահարելու դեպքում կմրցի «Սերվետ» (Շվեյցարիա) - «Վիկտորիա Պլզեն» (Չեխիա) զույգի հաղթողի հետ։