Հայ մարզիչները ՖԻԴԵ-ի կողմից արժանացել են Շախմատի հանրայնացման մրցանակի

22 Հուլիս 2025 | 184

Հայ մարզիչները ՖԻԴԵ-ի կողմից արժանացել են Շախմատի հանրայնացման մրցանակի

Հայաստանի շախմատի ակադեմիայի ավագ մարզիչ, միջազգային գրոսմայստեր Տիգրան Հարությունյանը և մարզիչ Տիգրան Ազարյանը ՖԻԴԵ-ի կողմից արժանացել են «Շախմատի հանրայնացման մրցանակ 2025» անվանակարգում շնորհակալագրի։

Այս մասին հայտնում է Հայաստանի շախմատի ակադեմիայի մամուլի քարտուղարությունը:

Գրոսմայստեր Տիգրան Հարությունյանը մարզչական գործունեությամբ զբաղվում է 2021-ից։ Նրա սաները 2023–2024 թվականներին Եվրոպայի առաջնություններում և մի շարք այլ միջազգային մրցաշարերում գրանցել են բարձր արդյունքներ, նվաճել բազմաթիվ մեդալներ և լրացրել միջազգային գրոսմայստերի և ՖԻԴԵ վարպետի նորմեր՝ փայլելով ինչպես Հայաստանի ներսում, այնպես էլ միջազգային հարթակում։

Տիգրան Ազարյանը մարզչական գործունեությամբ զբաղվում է 2017 թվականից։ Նրա սաները հատկապես փայլել են Հայաստանի պատանիների և աղջիկների առաջնության եզրափակիչ փուլերում՝ գրանցելով բարձր և խոստումնալից արդյունքներ։