Էդուարդ Սպերցյանն ընդգրկվել է Ռուսաստանի առաջնության 1-ին տուրի խորհրդանշական հավաքականում

Հայաստանի ազգային հավաքականի կիսապաշտպան Էդուարդ Սպերցյանն ընդգրկվել է Ռուսաստանի Պրեմիեր լիգայի 1-ին տուրի խորհրդանշական հավաքականում։

25-ամյա կիսապաշտպանը «Կրասնոդարի» կազմում մասնակցել էր «Պարի Նիժնի Նովգորոդի» դեմ հաղթական հանդիպմանը՝ դառնալով գոլի ու գոլային փոխանցման հեղինակ։ Սպերցյանը ճանաչվել էր հանդիպման լավագույն ֆուտբոլիստ։

Ռուսաստանի գործող չեմպիոնի կազմից խորհրդանշական հավաքականում ընդգրկված են ևս 2 ֆուտբոլիստ։