10 հոգով մնացած Ցրվենա Զվեզդան հաղթեց մրցակցին․ Նաիր Տիկնիզյանը մասնակցեց ամբողջ հանդիպմանը

Չեմպիոնների լիգայի որակավորման 2-րդ փուլում «Ցրվենա Զվեզդան» հյուրընկալվել էր «Լինքոլն Ռեդ Իմփսին» ու հաղթեց նվազագույն հաշվով։

Հանդիպման միակ գոլը հեղինակեց Բրունո Դուարտեն՝ 30-րդ րոպեին։ 41-րդ րոպեին Սերբիայի չեմպիոնի կազմից ուղիղ կարմիր քարտ ստացավ ու խաղադաշտից հեռացվեց Սոլ Յոն Վուն։

Հայաստանի ազգային հավաքականի պաշտպան Նաիր Տիկնիզյանն ընդգրկված էր «Ցրվենա Զվեզդայի» մեկնարկային կազմում ու մասնակցեց ամբողջ հանդիպմանը։

Թիմերի միջև պատասխան հանդիպումը տեղի կունենա հուլիսի 29-ին՝ Բելգրադում։

Հիշեցնենք, որ այս դիմակայության պարտվող Եվրոպա լիգայի որակավորման 3-րդ փուլում մրցելու է «Նոա»-«Ֆերենցվարոշ» զույգի պարտվողի հետ։