Սլովանը հաղթեց խոշոր հաշվով․ Բարսեղյանը գոլի ու գոլային փոխանցման հեղինակ (տեսանյութ)

Չեմպիոնների լիգայի որակավորման 2-րդ փուլում «Սլովանն» ընդունել էր «Զրինսկի Մոստարին» ու հաղթեց 4։0 հաշվով։

Տանտերերի մեկնարկային կազմում էր ընդգրկված Հայաստանի ազգային հավաքականի ֆուտբոլիստ Տիգրան Բարսեղյանը։ Նա 19-րդ րոպեին զգուշացվեց դեղին քարտով։ 39-րդ րոպեին Բարսեղյանը բացեց հանդիպման հաշիվը (տեսանյութը այստեղ), ապա 62-րդ րոպեին օգնեց Մարկո Տոլիչին մեծացնել «Սլովանի» առավելությունը (տեսանյութը այստեղ)։

Ազգային ընտրանու վինգերը փոխարինվեց 86-րդ րոպեին։

Սլովակիան ներկայացնող ակումբի մյուս գոլերը հեղինակեցին Դավիդ Ստրելեցն ու Միխոլա Կուխարևիչը։

Թիմերի միջև պատասխան հանդիպումը կկայանա հուլիսի 29-ին՝ Բոսնիա և Հերցեգովինայում։