Բասկետբոլի Հայաստանի Մ18 հավաքականը պարտվեց Կիպրոսի հավաքականին
Բասկետբոլի Հայաստանի մինչև 18 տարեկանների հավաքականը շարունակում է ելույթները Եվրոպայի առաջնության C դիվիզիոնի A ենթախմբում։
Առաջնության իր երրորդ խաղում մեր թիմը 63:69 հաշվով պարտվեց Կիպրոսի հավաքականի հետ խաղում։
Հայաստանի կազմում ամենաարդյունավետ խաղացողը Սեբաստիան Հացակորզյանն էր, որը վաստակեց 14 միավոր, 11 անգամ տիրեց անդրադարձող գնդակին և կատարեց 2 արդյունավետ փոխանցում։
Ավելի վաղ, Հայաստանի հավաքականը առավելության էր հասել Մոնակոյի ու Սան Մարինոյի ընտրանիների նկատմամբ։
Հաջորդ խաղը մեր ընտրանին կանցկացնի հուլիսի 24-ին՝ մրցելով Ջիբրալթարի հավաքականի հետ։
