Հայաստանի հավաքականում չեն վախենում Պորտուգալիայից և Իռլանդիայից. Սպերցյան

Հայաստանի հավաքականի կիսապաշտպան և «Կրասնոդարի» ավագ Էդուարդ Սպերցյանը RB Sport-ին տված հարցազրույցում կիսվել է իր 2026 թվականի ՖԻՖԱ-ի աշխարհի առաջնության ընտրական մրցաշարում Պորտուգալիայի և Իռլանդիայի հավաքականների դեմ Հայաստանի հավաքականի խաղերի վերաբերյալ իր սպասելիքներով։

Հայաստանի հավաքականը սեպտեմբերի 6-ին Երևանում կխաղա Պորտուգալիայի, իսկ սեպտեմբերի 9-ին՝ Իռլանդիայի դեմ։

«Հայաստանը չի վախենում Պորտուգալիայի և Իռլանդիայի հավաքականներից։ Հայ ֆուտբոլիստները մինչև վերջ կպայքարեն Երևանում կայանալիք առաջիկա խաղերում»,- ասել է Սպերցյանը։

- Ինչպե՞ս եք ընդհանուր առմամբ գնահատում Հայաստանի հավաքականի հնարավորությունները՝ դուրս գալու աշխարհի առաջնության եզրափակիչ փուլ։

- Բարձր մակարդակի թիմերի դեմ խաղերում միշտ չէ, որ հնարավոր է արդյունքի հասնել, բայց մենք տրամադրված ենք ֆուտբոլ խաղալ և կփորձարկենք մեր ուժերը,- եզրափակել է Սպերցյանը։

Աշխարհի առաջնության եզրափակիչ փուլը հաջորդ տարի կանցկացվի ԱՄՆ-ում, Մեքսիկայում և Կանադայում։