5 ֆուտբոլիստ առաջին պրոֆեսիոնալ պայմանագրերն է կնքել Փյունիկի հետ
«Փյունիկ Ակադեմիայի» 5 խաղացողներ առաջին պրոֆեսիոնալ պայմանագրերն են կնքել ակումբի հետ: Այս մասին հայտնում է ակումբի մամուլի քարտուղարությունը:
«Փյունիկ» ՖԱ-ի հետ առաջին պրոֆեսիոնալ պայմանագիրն է կնքել 18-ամյա կենտրոնական պաշտպան Նարեկ Պողոսյանը։ Նա ֆուտբոլով սկսել է զբաղվել 7 տարեկանից՝ առաջին քայլերն անելով երևանյան ակումբի ակադեմիայում:
«Փյունիկ-07»-ի հետ նա դարձել է Հայաստանի մինչև 18 տարեկանների առաջնության չեմպիոն և կրկնակի գավաթակիր:
Նարեկ Պողոսյանը հրավիրվել Հայաստանի Մ-15 տարեկանների հավաքական։ Նախորդ մրցաշրջանում Նարեկը «Փյունիկ Ակադեմիայի» կազմում Հայաստանի Առաջին խմբի առաջնությունում մասնակցել է 12 խաղի։
«Փյունիկ» ՖԱ-ի հետ առաջին պրոֆեսիոնալ պայմանագիրն է կնքել նաև 18-ամյա կիսապաշտպան Վահե Կարապետյանը։ Վահեն ֆուտբոլով զբաղվել է 6 տարեկանից՝ առաջին քայլերն անելով ակադեմիայում:
2023/24 մրցաշրջանում նա «Փյունիկ 2007»-ի հետ դարձել է Հայաստանի Մ-18 տարեկանների առաջնության չեմպիոն և գավաթակիր։
Վահե Կարապետյանը խաղացել է Հայաստանի Մ-15, Մ-16, Մ-17 և Մ-19 տարեկանների հավաքականներում:
Նախորդ մրցաշրջանում Վահեն «Փյունիկ Ակադեմիայի» կազմում Հայաստանի Առաջին խմբի առաջնությունում մասնակցել է 15 խաղի և դարձել 1 գոլի հեղինակ։
«Փյունիկ» ՖԱ-ի հետ առաջին պրոֆեսիոնալ պայմանագիրն է կնքել Մարտին Գալստյանը:
Մարտինը ֆուտբոլով զբաղվել է 8 տարեկանից՝ առաջին քայլերն անելով ակադեմիայում: «Փյունիկ 2007»-ի հետ նա դարձել է Հայաստանի Մ-18 տարեկանների առաջնության չեմպիոն և կրկնակի գավաթակիր:
Մարտին Գալստյանը հրավիրվել է Հայաստանի Մ-15, Մ-16, Մ-17 և Մ-19 տարեկանների հավաքականներ։
2024 թվականի սեպտեմբերին Մարտինը «Փյունիկի» Մ-18 տարեկանների թիմի կազմում մասնակցել է Երիտասարդական Չեմպիոնների լիգայի առաջին փուլի՝ Մինսկի «Դինամոյի» հետ հանդիպումներին և թիմերի առաջին խաղում դարձել է գոլի հեղինակ:
Նախորդ մրցաշրջանում Մարտինը «Փյունիկ Ակադեմիայի» կազմում Հայաստանի Առաջին խմբի առաջնությունում անցկացրել է 16 խաղ և դարձել 1 գոլի հեղինակ։
«Փյունիկ» ՖԱ-ի հետ առաջին պրոֆեսիոնալ պայմանագիրն է կնքել նաև Արտակ Գալստյանը։
Արտակը ֆուտբոլով սկսել է զբաղվել 5 տարեկանից՝ առաջին քայլերն անելով երևանյան ակումբի ակադեմիայում: «Փյունիկ 2007»-ի հետ նա դարձել է Հայաստանի Մ-18 տարեկանների առաջնության չեմպիոն և գավաթակիր, իսկ «Փյունիկ 2008»-ի կազմում այս տարի կրկին դարձել է Մ-18 տարեկանների գավաթի խաղարկության հաղթող:
Արտակ Գալստյանը հրավիրվել է Հայաստանի Մ-15, Մ-16, Մ-17 և Մ-19 տարեկանների հավաքականներ։ Նախորդ մրցաշրջանում Արտակը «Փյունիկ Ակադեմիայի» կազմում Հայաստանի Առաջին խմբի առաջնությունում մասնակցել է 6 խաղի։
Արտակ Գալստյանը «Փյունիկի» գլխավոր թիմի կազմում վերջերս մասնակցել է Վրաստանում անցկացված ուսումնամարզական հավաքին։
«Փյունիկ» ՖԱ-ի հետ առաջին պրոֆեսիոնալ պայմանագիրն է կնքել նաև 18-ամյա պաշտպան Արամ Ահարոնյանը:
Արամը ֆուտբոլով սկսել է զբաղվել 6 տարեկանից՝ «Փյունիկի» ակադեմիայում:
2023/24 թթ․ մրցաշրջանում նա «Փյունիկ 2007»-ի հետ դարձել է Հայաստանի Մ-18 տարեկանների առաջնության չեմպիոն և գավաթակիր, իսկ այս տարի նույն տարիքային խմբում գավաթակիր է դարձել «Փյունիկ 2008»-ի հետ:
Արամ Ահարոնյանը հրավիրվել է Հայաստանի Մ-15, Մ-16, Մ-17 և Մ-19 տարեկանների հավաքականներ:
2024 թվականի սեպտեմբերին Արամը «Փյունիկի» Մ-18 տարեկանների թիմի կազմում մասնակցել է Երիտասարդական Չեմպիոնների լիգայի առաջին փուլի՝ Մինսկի «Դինամոյի» հետ հանդիպումներին։
2025 թվականի մարտի 5-ին, Հայաստանի գավաթի խաղարկության՝ «Լեռնային Արցախի» դեմ (7:2) խաղում, Ահարոնյանն իր նորամուտն է նշել «Փյունիկի» գլխավոր թիմում:
Նախորդ մրցաշրջանում Արամ Ահարոնյանը «Փյունիկ Ակադեմիայի» կազմում Հայաստանի Առաջին խմբի առաջնությունում մասնակցել է 21 խաղի և դարձել 2 գոլի հեղինակ։
