Պուշկաշ Ակադեմիան զիջեց մրցակցին․ Հարությունյանը մասնակցեց խաղին

Կոնֆերենցիաների լիգայի որակավորման 2-րդ փուլում հունգարական «Պուշկաշ Ակադեմիան» հյուրընկալվել էր Լիմասսոլի «Արիսին» ու զիջեց 2։3 հաշվով։

Հյուրերը 16-րդ րոպեից զիջում էին 2 գնդակի տարբերությամբ, սակայն կարողացան 77 ու 81-րդ րոպեներին վերականգնել հաշվի հավասարությունը, բայց «Արիսը» 87-րդ րոպեին հեղինակեց ևս մեկ գոլ՝ հաղթելով դիմակայության 1-ին խաղում։

Հայաստանի ազգային հավաքականի պաշտպան Գեորգի Հարությունյանն ընդգրկված էր իր թիմի մեկնարկային կազմում և փոխարինվեց 72-րդ րոպեին։ Հարությունյանը փոխարինումից վայրկյաններ առաջ զգուշացվեց դեղին քարտով։

Թիմերի միջև պատասխան խաղը կկայանա հուլիսի 31-ին՝ Հունգարիայում։

Հիշեցնենք, որ այս դիմակայության հաղթողը մրցելու է ԱԵԿ (Հունաստան) - Հապոել Բեր Շեվա (Իսրայել) զույգի հաղթողի հետ։