Հրաձգության ԵԱ․ Հայաստանի ներկայացուցիչները ոսկե, արծաթե ու բրոնզե մեդալներ են նվաճել
Հրաձգության վազող թիրախ մրցաձևի Եվրոպայի առաջնությունում Հայաստանի ներկայացուցիչները ոսկե, արծաթե և բրոնզե մեդալներ են նվաճել:
Ինչպես տեղեկացնում է Հայաստանի հրաձգության ֆեդերացիան, Գոռ Խաչատրյան, Հովհաննես Մարգարյան, Հայկ Մինասյան եռյակը 1696 միավոր արդյունքով դարձել է Եվրոպայի առաջնության հաղթող։
Գոհար Հարությունյան, Լիլիթ Մկրտչյան, Արուսյակ Գրիգորյան եռյակը 1656 միավոր արդյունքով դարձել է արծաթե մեդալակիր։
Արուսյակ Գրիգորյանն էլ որակավորման փուլում խոցելով 559 միավոր հայտնվել է լավագույն քառյակում։ Բրոնզե եզրափակչում 8:6 հաշվով հաղթելով ուկրաինացի մարզուհուն՝ Գրիգորյանը նվաճել է Եվրոպայի առաջնության բրոնզե մեդալը։
