Բասկետբոլի կանանց Հայաստանի Մ18 հավաքականը՝ Եվրոպայի առաջնության C դիվիզիոնի արծաթե մեդալակիր
Կանանց Հայաստանի մինչև 18 տարեկանների հավաքականն ավարտեց իր ելույթները Անդորրայում անցկացվող Եվրոպայի առաջնության C դիվիզիոնում:
Հայաստանի հավաքականը եզրափակիչ խաղում 63։60 հաշվով պարտվեց Վրաստանի թիմին և արժանացավ առաջնության արծաթե մեդալներին:
Հանդիպման ամենաարժեքավոր խաղացողը Սեդա Գաբրիելյանն էր: Նա գրանցել է դաբլ-դաբլ՝ վաստակելով 26 միավոր և կատարելով 21 ռեբաունդ: Նա նաև 6 արդյունավետ փոխանցում է կատարել:
Հիշեցնենք, որ մինչ եզրափակիչ հասնելը Հայաստանի հավաքականը խմբային փուլում հաղթել էր Ալբանիայի ու Անդորրայի հավաքականներին, իսկ կիսաեզրափակիչում առավելության էր հասել Մալթայի ընտրանու նկատմամբ։
