Շերիֆն առաջնությունում պարտվեց 2024 թվականի մայիսից ի վեր 1-ին անգամ․ Սերոբյանը մասնակցեց խաղին

Մոլդովայի առաջնության 6-րդ տուրում «Շերիֆը» հյուրընկալվել էր Քիշնևի «Զիմբրուին» ու պարտվեց 2։3 հաշվով։

Հայաստանի ազգային հավաքականի կիսապաշտպան Արթուր Սերոբյանը խաղադաշտ դուրս եկավ 2-րդ կեսի մեկնարկին։

Սա Տիրասպոլը ներկայացնող ակումբի 1-ին պարտությունն էր ներքին առաջնությունում՝ 2024 թվականի մայիսի 11-ից ի վեր 1-ին անգամ։

Հատկանշական է, որ այդ խաղում ևս «Շերիֆը» զիջել էր «Զիմբրուին» 0։2 հաշվով։

Այս հանդիպումից հետո Սերոբյանի թիմը 13 միավոր ունի ու գլխավորում է մրցաշարային աղյուսակը։ Հաջորդ տուրում «Շերիֆի» մրցակիցը «Դաչիան» է, բայց մինչ 7-րդ տուրի խաղը, Սերոբյանն ու թիմակիցները Եվրոպա լիգայի որակավորման 2-րդ փուլում կհյուրընկալվեն նիդերլանդական «Ուտրեխտին», որին դիմակայության 1-ին խաղում զիջել էին 1։3 հաշվով։