Ըմբիշ Ջանես Նազարյանը Մ17 տարեկանների աշխարհի առաջնությունում կգոտեմարտի ոսկե մեդալի համար
Հունահռոմեական ոճի ըմբիշ Ջանես Նազարյանն Աթենքում ընթացող Մ17 տարեկանների աշխարհի առաջնությունում կգոտեմարտի ոսկե մեդալի համար:
65 կգ քաշային հայ ըմբիշը պայքարը սկսել է որակավորման փուլից և հաղթել նախ ամերիկացի, ապա ադրբեջանցի, ֆրանսիացի և ուկրաինացի մրցակիցներին՝ դուրս գալով եզրափակիչ:
Ոսկե մեդալի համար Նազարյանն այսօր կգոտեմարտի Վրաստանի ներկայացուցիչ Էրեկլե Տավբերիձեի հետ:
Այսօր պայքարի մեջ կմտնեն 45 կգ քաշային Արարատ Ավետիսյանը, 51 կգ Մարատ Աճեմյանը, 60 կգ Զավեն Մեժլումյանը, 71 կգ Ռոման Ուսոյանը և 92 կգ Պետրոս Բաղրամյանը:
