Կանանց Չեմպիոնների լիգա. Փյունիկի աղջիկների թիմը դուրս է եկել որակավորման փուլի եզրափակիչ
Կանանց Չեմպիոնների լիգայի որակավորման փուլի կիսաեզրափակչում «Փյունիկի» աղջիկների թիմն այսօր Հյուսիսային Մակեդոնիայում մրցել է բուլղարական «ՆՍԱ Սոֆիայի» հետ և նվազագույն հաշվով հաղթանակ է տարել:
Հանդիպման միակ գնդակը հեղինակել է Վիկտորիա Ասատրյանը: Ի դեպ սա «Փյունիկ Աղջիկների» առաջին պատմական հաղթանակն էր Կանանց Չեմպիոնների լիգայի շրջանակում:
Հաջորդ փուլում երևանյան թիմը կմրցի «Լյուբոտեն» (Հյուսիսային Մակեդոնիա) - «Ռունավիկ» (Ֆարերյան կղզիներ) զույգի հաղթողի հետ։ Այդ խաղն այսօր երեկոյան է:
Կանանց Չեմպիոնների լիգայի որակավորման փուլի եզրափակիչը և երրորդ տեղի հանդիպումները կկայանան օգոստոսի 3-ին։
