«Գանձասարը» հայտարարել է Հայաստանի հավաքականի նախկին ֆուտբոլիստ Պետրոս Ավետիսյանի հետ պայմանագիր կնքելու մասին:
29-ամյա հարձակողական ոճի կիսապաշտպանը կարիերայի ընթացքում հանդես է եկել Երևանի «Ուրարտուի», «Փյունիկի», «Արարատ-Արմենիայի», «Նոայի» և «Ալաշկերտի», ինչպես նաև Ղազախստանի «Տոբոլի», «Շախտյորի», «Ակժայիկի», «Մակտարալի» և մերձմոսկովյան «Խիմկիի» կազմերում։
«Արարատ-Արմենիայի» կազմում Ավետիսյանը 2 անգամ հռչակվել է Հայաստանի չեմպիոն, «Ուրարտուի» և «Արարատ-Արմենիայի» կազմերում մեկական անգամ դարձել է Հայաստանի գավաթակիր, իսկ 2024թ.-ին` մերձմոսկովյան «Խիմկիի կազմում, ֆուտբոլիստը նաև դարձել է Ռուսաստանի առաջին խմբի առաջնության չեմպիոն։
Պետրոս Ավետիսյանի վերջին ակումբը Երևանի «Ալաշկերտն» էր։
