«Գանձասարը» հայտարարել է Հայաստանի հավաքականի պաշտպան Տարոն Ոսկանյանի հետ պայմանագիր կնքելու մասին:
32-ամյա փորձառու ֆուտբոլիստը Երևանի «Փյունիկի» սան է։ Ոսկանյանն իր կարիերայի ընթացքում հանդես է եկել նաև «Ալաշկերտի», Կիպրոսի «Կարմիոտիսսա» և «Նեա Սալամիս» ակումբների կազմերում։
Նշենք, որ «Փյունիկի» և «Ալաշկերտի» կազմերում Տարոն Ոսկանյանը 3 անգամ հռչակվել է Հայաստանի չեմպիոն, 4 անգամ նվաճել է Հայաստանի գավաթը, 2 անգամ էլ դարձել է Հայաստանի սուպերգավաթակիր։
Ոսկանյանի վերջին ակումբը Երևանի «Փյունիկն» էր։
«Գանձասարը» պայմանագիր է կնքել նաև երիտասարդ հայ ֆուտբոլիստ Պետրոս Մանուկյանի հետ։
24-ամյա պաշտպանն իր կարիերայի ընթացքում հանդես է եկել Երևանի ԲԿՄԱ-ի, «Ուրարտուի» և «Նոայի» կազմերում։
Պետրոս Մանուկյանը հանդես է եկել նաև Հայաստանի բոլոր տարիքային և երիտասարդական հավաքականներում։
