«Լեռնային Արցախի» գլխավոր մարզչի պաշտոնը ստանձնել է Մարգար Աղաջանյանը: Այս մասին հայտնում է ակումբի մամուլի քարտուղարությունը:
Փորձառու մասնագետը երկար տարիներ ընդգրկված է եղել Իրանի ազգային հավաքականի մարզչական շտաբում, որտեղ աշխատել է նաև պորտուգալացի Կառլուշ Կեյրուշի հետ: Իրանի Ազգային թիմի հետ Աղաջանյանը մասնակցել է երեք Մունդիալների՝ 2014, 2018 և 2022 թթ:
Իրանի օլիմպիական և երիտասարդական հավաքականներում աշխատելու փորձ ունեցող 60-ամյա մասնագետն ակումբային կարիերայի ընթացքում մարզչական գործունեություն է ծավալել իրանական «Օղաբ», «Բարղ», «Մես» և «Դամաշ» թիմերում:
Մարգար Աղաջանյանի մարզչական շտաբում ընդգրկվել են Սլավիկ Գաբրիելյանը, Արա Արահամյանը, Լևոն Մկրտչյանը, Նաիրի Պետրոսյանը և Զաուր Արամյանը:
«Լեռնային Արցախը» Հայաստանի առաջին խմբի առաջնությունը կմեկնարկի «Շիրակ-2»-ի հետ արտագնա դիմակայությունով, իսկ Հայաստանի գավաթի խաղարկության 1/16 եզրափակչում կմրցի «Արարատի Արաքս» ՖԱ-ի հետ:
© sportmedia.am. կայքը պատրաստված է orf.armenyan -ի կողմից։
