Ալաշկերտը խզել է պայմանագիրը Աբրահամ Խաշմանյանի հետ
«Ալաշկերտ» ֆուտբոլային ակումբը տեղեկացնում է՝ ակումբի նախաձեռնությամբ միակողմանի լուծվել է թիմի գլխավոր մարզիչ Աբրահամ Խաշմանյանի հետ աշխատանքային պայմանագիրը»,-այս մասին հայտնում է երևանյան ակումբի ֆեյսբուքյան էջը:
Խաշմանյանը գլխավորել էր երևանյան թիմն ընթացիկ մրցաշրջանից առաջ:
Հայաստանի ֆաստեքս Պրեմիեր լիգայի գարնանային հատվածից առաջ «Ալաշկերտը» 13 միավորով նախավերջին՝ 10-րդ տեղում է:
Հիշեցնենք, որ 57-ամյա մասնագետը կարիերայում 5-րդ անգամ էր գլխավորել «Ալաշկերտը»:
«Ալաշկերտն» այսօրվանից՝ հունվարի 22-ից, սկսել է հավաքը ՀՖՖ Տեխնիկական կենտրոն ֆուտբոլի ակադեմիայում։ Հավաքը կտևի մինչև փետրվարի 11-ը:
