Բելգրանոն հաղթեց․ Սելարայանը՝ գոլի հեղինակ (տեսանյութ)

Արգենտինայի գավաթի խաղարկության 1/8 եզրափակիչում «Բելգրանոն» ընդունել էր «Ինդեպենդիենտեին» ու հաղթեց 2։0 հաշվով։

Հայաստանի ազգային հավաքականի կիսապաշտպան Լուկաս Սելարայանն ընդգրկված էր «Բելգրանոյի» մեկնարկային կազմում ու մասնակցեց ամբողջ հանդիպմանը։ 71-րդ րոպեին նա հեռահար դիպուկ հարվածով գրավեց մրցակցի դարպասը։ Տեսանյութը՝ այստեղ։

Սելարայանը ճանաչվել է հանդիպման լավագույն ֆուտբոլիստ։

Այս հաղթանակի շնորհիվ «Բելգրանոն» դուրս է եկել քառորդ եզրափակիչ, որտեղ կմրցի «Աթլետիկո Տուկուման» - «Նյուելս Օլդ Բոյս» զույգի հաղթողի հետ։