Բրազիլացի պաշտպանը հեռացել է Փյունիկից

Ինչպես տեղեկացնում է «Փյունիկի» մամուլի ծառայությունը, բրազիլացի պաշտպան Ժունինյոն հեռացել է երևանյան ակումբից։

Ժունինյոն «Փյունիկին» էր միացել 2021-ի ամռանը և ակումբի հետ 2 անգամ դարձել Հայաստանի չեմպիոն։

Ֆուտբոլիստը «Փյունիկի» կազմում մասնակցել է 122 հանդիպման դառնալով 9-ական գոլի ու գոլային փոխանցման հեղինակ։

Ակումբը շնորհակալություն է հայտնել Ժունինյոյին «Փյունիկում» անցկացրած տարիների ու ցուցաբերած նվիրվածության համար։