Սլովանը հաղթեց․ Բարսեղյանը՝ գոլի ու գոլային փոխանցման հեղինակ․ Հակոբյանը հայտացուցակում չէր (տեսանյութ)

Սլովակիայի առաջնության 2-րդ տուրում «Սլովանն» ընդունել էր «Պոդբրեժովային» ու հաղթեց 4։1 հաշվով։

Հայաստանի ազգային հավաքականի կիսապաշտպան Տիգրան Բարսեղյանն ընդգրկված էր «Սլովանի» մեկնարկային կազմում։ Բարսեղյանի փոխանցումից 10-րդ րոպեին աչքի ընկավ Դավիդ Ստրելեցը։ Տեսանյութը՝ այստեղ։

1-ին կեսի վերջնամասում ազգային ընտրանու կիսապաշտպանը դիպուկ իրացրեց 11-մետրանոցը՝ առաջ մղելով իր թիմին։ Տեսանյութը՝ այստեղ։

Դավիթ Հակոբյանը, որն այս տրանսֆերային պատուհանի ընթացքում է համալրել «Պոդբրեժովան», բացակայում էր թիմի հայտացուցակից։

Այս հաղթանակից հետո «Սլովանը» 4 միավորով գլխավորում է մրցաշարային աղյուսակը։