Ֆերենցվարոշը հաղթեց Հարոյանի թիմին․ Սևիկյանը խաղաժամանակ չստացավ․ Հարոյանը մասնակցեց ամբողջ հանդիպմանը (տեսանյութ)

Հունգարիայի առաջնության 2-րդ տուրում «Ֆերենցվարոշը» սեփական հարկի տակ մրցում էր «Կազինցբարցիկայի» հետ ու հաղթեց 3։0 հաշվով։

Հայաստանի ազգային հավաքականի ավագ Վարազդատ Հարոյանն ընդգրկված էր «Կազինցբարցիկայի» մեկնարկային կազմում ու մասնակցեց ամբողջ հանդիպմանը։ Հարոյանը 29-րդ րոպեին զգուշացվեց դեղին քարտով։

Ազգային ընտրանու մեկ այլ ֆուտբոլիստ՝ Էդգար Սևիկյանն ընդգրկված էր «Ֆերենցվարոշի» հայտացուցակում, բայց խաղաժամանակ չստացավ։

Այս հաղթանակից հետո «Ֆերենցվարոշը» 4 միավորով գլխավորում է մրցաշարային աղյուսակը։ «Կազինցբարցիկան» միավոր չունի և վերջին՝ 12-րդ տեղում է։