Խաղից առաջ գիտեինք, որ մրցավարն այսպես է դատելու․ Ռոբերտ Արզումանյանը՝ ԲԿՄԱ-ի դեմ խաղից հետո

Fastex Հայաստանի Պրեմիեր լիգայի 1-ին տուրի ԲԿՄԱ-«Ուրարտու» հանդիպումից հետո կայացած մամուլի ասուլիսի ընթացքում «Ուրարտուի» գլխավոր մարզիչ Ռոբերտ Արզումանյանը խոսել է խաղի մասին՝ դժգոհելով մրցավարությունից։

«Ավելի լավ պետք է խաղայինք ու կարող էինք ավելի լավ խաղալ, բայց այդ պարագայում նույնիսկ բազմաթիվ գոլային պահեր ունեինք, որ չիրացրեցինք։ ԲԿՄԱ-ի ֆուտբոլիստները լավ, երիտասարդ ֆուտբոլիստներ են, բայց խաղից առաջ գիտեինք, որ մրցավարն այսպես է դատելու ու հենց այսպես էլ եղավ, բայց այսքան չէինք էլ սպասում։ Չափից շատ էր։ Երկու 11-մետրանոցի չնշանակումը, 2-րդ դրվագում ակնհայտ ձեռքով խաղ, ձեռքի շարժում։ Ուղղակի արդեն պարզ եղավ, թե ինչպես են մրցավարները տրամադրված, բայց դա իրենց պատիվ չի բերում։ Թե՞ իրենց մակարդակն է, որը չեմ կարծում, մենք բարձրակարգ մրցավարներ ունենք, որոնք եվրոպական խաղերում իրենց լավ են դրսևորում, բայց սա չափից շատ է կարծեմ», - նշել է Արզումանյանը։

ԲԿՄԱ-«Ուրարտու» հանդիպման գլխավոր մրցավարն Աշոտ Հարությունյանն էր։ Վերջինս, հիմնական ժամանակին ավելացարած 5-րդ րոպեին 11-մետրանոց նշանակեց ԲԿՄԱ-ի դարպասին, իսկ մի քանի րոպե անց, ՎԱՌ-ի օգնությամբ դիտելով կրկնապատկերը՝ չեղարկեց որոշումը։ 2-րդ դրվագի մասին խոսելիս Ռոբերտ Արզումանյանն ի նկատի ուներ հենց այս որոշումը, իսկ 1-ին դրվագը, ըստ ամենայնի կապված է 70-րդ րոպեին տուգանային հրապարակում Եվգենի Ցիմբալյուկի նկատմամբ Արգիշտի Պետրոսյանի կոպիտ խաղի հետ։

Հիշեցնենք, որ հանդիպումն ավարտվել է 1։1 հաշվով։ «Ուրարտուից» աչքի է ընկել Բրունո Միշելը, ԲԿՄԱ-ից՝ Նարեկ Հովհաննիսյանը։ 

Հանդիպման գոլերը՝