Գիտեինք, որ դժվար խաղ է լինելու․ Արսեն Հովհաննիսյանը՝ Նոայի դեմ խաղից հետո (տեսանյութ)

Fastex Պրեմիեր լիգայի 1-ին տուրի «Նոա»-«Շիրակ» հանդիպումից հետո Գյումրին ներկայացնող ակումբի գլխավոր մարզիչ Արսեն Հովհաննիսյանը խոսել է խաղի մասին ու պատասխանել լրագրողների հարցերին։

«Գիտեինք, որ դժվար խաղ է լինելու։ «Նոայի» ուժը գիտեինք, պատրաստվել էինք նորմալ։ Հաշիվը չի խոսում խաղի մասին, որովհետև մենք էլ մեր պահերն ունեցային ու եթե իրացնեինք, հնարավոր է, այս հաշիվը չլիներ։ Ամեն դեպքում շնորհավորում եմ «Նոային» ու Եվրոպա լիգայում ցանկանում եմ հաջողություն։

«Շիրակի» առջև դրված խնդիրը տեղի կադրերին շանս տալու, աճեցնելու ու զարգացնելու մեջ է։ Այսօր ունենք ընդամենը 3 լեգեոներ՝ Կոդիան, Վիդիչն ու Ակիլան։ Մնացած գրեթե բոլորը մեր ֆուտբոլի դպրոցի ֆուտբոլիստներն են։ Փորձելու ենք ամեն խաղին դուրս գալ հաղթանակի համար, պայքարենք ու ամեն խաղին աճ գրանցենք։ Կոնկրետ մրցաշարային աղյուսակի մասով խնդիրներ չունենք», - ասել է մասնագետը։

Մանրամասն տեսանյութում․



Հիշեցնենք, որ հանդիպումն ավարտվել էր «Նոայի» հաղթանակով՝ 4։0 հաշվով։