Իտալիայի Ա Սերիայի 25-րդ տուրում Միլանի «Ինտերը», որտեղ հանդես է գալիս Հայաստանի ազգային հավաքականի նախկին ավագ Հենրիխ Մխիթարյանը, հյուրընկալվելիս մրցել է Թուրինի «Յուվենտուսի» հետ և նվազագույն հաշվով զիջել է մրցակցին:
Հանդիպման միակ գոլը 74-րդ րոպեին խփել է «Յուվենտուսի» հարձակվող Ֆրանսիշկու Կոնսեյսաուն։
Միլանցիների կազմում մեկնարկային րոպեներից խաղին մասնակցել է Հենրիխ Մխիթարյանը, սակայն փոխարինվել է 80-րդ րոպեին։
Անցկացրած 25 հանդիպումներից հետո Թուրինի «Յուվենտուսը» 46 միավորով Իտալիայի Ա Սերիայի մրցաշարային աղյուսակի չորրորդ տեղում է։ Միլանի «Ինտերը» նույնքան խաղերից հետո 54 միավորով երկրորդ տեղում է:
