Մալխաս Ամոյանը՝ Վարշավայի միջազգային մրցաշարի հաղթող
Հայաստանի հունահռոմեական հավաքականի անդամ, 77 կգ քաշային Մալխաս Ամոյանը ոսկե մեդալ է նվաճել Վարշավայում անցկացված միջազգային մրցաշարում: Նա անցկացրել է հինգ հաղթական գոտեմարտ և գրավել է առաջին տեղը:
Մասնակիցների թվում էին Հայաստանի յոթ պատվիրակներ: Հայաստանի մյուս ներկայացուցիչներ Սլավիկ Գալստյանը (72 կգ) և Ռազմիկ Քուրդյանը (130 կգ) դարձել են բրոնզե մեդալակիրներ:
Մրցաշարով ըմբիշները նախապատրաստվել են Խորվաթիայի Զագրեբում սեպտեմբերի 18-ին մեկնարկելիք աշխարհի առաջնությանը:
