Հայ շախմատիստների արդյունքները Հունաստանի միջազգային մրցաշարում
Հունաստանի Կավալա քաղաքում ավարտվել է «34th International Chess Open Tournament of Kavala 2025» շախմատի միջազգային մրցաշարը, որին մասնակցել են նաև Հայաստանի ներկայացուցիչները:
Մրցաշարի Ա խմբում գրոսմայստեր Էմին Օհանյանը 9 հնարավորից վաստակել է 6,5 միավոր և զբաղեցրել է 5-րդ հորիզոնականը:
ՖԻԴԵ-ի վարպետ Մանվել Առաքելյանը վաստակել է 6 միավոր և զբաղեցրել է 1-ին հորիզոնականը 14 տարեկանների պայքարում:
Վարպետության թեկնածու Տիգրան Համբարձումյանը վաստակել է 5,5 միավոր և լրացրել է միջազգային վարպետի իր առաջին նորման: Տիգրանը նաև 106,8 կետով բարելավել է իր միջազգային վարկանիշը:
Արեն Մնացականյանը վաստակել է 5 միավոր և 98 կետով բարելավել է իր միջազգային վարկանիշը: Այս արդյունքով Արենը հաղթահարել է վարպետության թեկնածու դառնալու համար անհրաժեշտ 2200-ի վարկանիշային շեմը:
Մրցաշարի Բ խմբում Ալեն Հակոբյանը վաստակել է 6,5 միավոր և բարելավել է իր միջազգային վարկանիշը 123,6 կետով:
Դավիթ Մելքոնյանը վաստակել է 5,5 միավոր և զբաղեցրել է առաջին հորիզոնականը 10 տարեկանների պայքարում:
Մրցաշարի Գ խմբում Արամայիս Ավթանդիլյանը վաստակել է 7 միավոր և զբաղեցրել է 6-րդ հորիզոնականը:
Մրցաշարի Դ խմբում հաղթող է ճանաչվել Ռուբեն Ղարագյոզյանը, որը վաստակել է 7.5 միավոր:
