Ձեր հավատն է դարձրել անհնարինը՝ հնարավոր. Փյունիկի հուզիչ հրաժեշտը Եղիշե Մելիքյանին
«Փյունիկի» մամուլի քարտուղարությունը հրաժեշտ է տվել թիմի գլխավոր մարզիչ Եղիշե Մելիքյանին, որը դարձել է Հայաստանի ազգային հավաքականի գլխավոր մարզիչը:
«Հրաժեշտ տալ մարդու, որը տարիներ շարունակ եղել է մեր թիմի սիրտը, հեշտ չէ:
«Փյունիկը» Ձեզ հետ ավելին էր, քան ֆուտբոլային թիմ: «Փյունիկն» ընտանիք էր: Ձեր հավատն է դարձրել անհնարինը՝ հնարավոր:
Շնորհակալ ենք ամեն ինչի համար» ,- ասվում է ակումբի տարածած հաղորդագրության մեջ:
Հայ մարզիչը թիմի ղեկին էր 2021 թվականից։ Նրա ղեկավարությամբ «Փյունիկը» երկու անգամ դարձել է Fastex Պրեմիեր լիգայի չեմպիոն, երկու անգամ Մելիքյանը ճանաչվել է մրցաշրջանի լավագույն մարզիչ։
