Իմ բոլոր որոշումները կայացնելու եմ ի շահ ազգային հավաքականի. Եղիշե Մելիքյան
Հայաստանի ազգային հավաքականի նորանշանակ գլխավոր մարզիչ Եղիշե Մելիքյանը ՀՖՖ-ի հետ զրույցում խոսել է իր նշանակման մասին:
«Հպարտ եմ Հայաստանի ազգային հավաքականի գլխավոր մարզչի պաշտոնը ստանձնելու կապակցությամբ: Գիտակցում եմ պահի բարդությունն ու ողջ պատասխանատվությունը, բայց պատրաստ եմ պատվով անցնել այս ճանապարհը: Իմ բոլոր որոշումները կայացնելու եմ ի շահ ազգային հավաքականի և հայկական ֆուտբոլի: Այս պահին ժամանակն է համատեղելու ուժերը: Ես կոչ եմ անում ֆուտբոլային ամբողջ հանրությանը համախմբվել ազգային հավաքականի շուրջ»,- ասել է 46-ամյա մասնագետը:
Մելիքյանն այս պաշտոնում փոխարինել է նիդեռլանդցի մասնագետ Ջոն վան’ տ Սխիպին:
