Կարեն Խաչանովը հաղթել է Զվերևին և դուրս եկել Տորոնտոյի Մասթերսի եզրափակիչ

Օգոստոսի 4-ի լույս 5-ի գիշերը Կանադայի Տորոնտո քաղաքում տեղի են ունեցել «Մասթերս» մրցաշարի կիսաեզրափակիչ խաղերը։ Եզրափակչի համար պայքարում աշխարհի 16-րդ ռակետ Կարեն Խաչանովը մրցել է վարկանիշային աղյուսակի երրորդ համարի՝ Գերմանիայի ներկայացուցիչ Ալեքսանդր Զվերևի հետ։ Խաղն ավարտվել է Խաչանովի՝ երեք սեթում տարած 6:3, 4:6, 7:6 (7:4) հաշվով հաղթանակով:

Հանդիպումը տևել է 2 ժամ 54 րոպե։ 

Խաչանովը 2019 թվականից ի վեր չէր կարողացել հաղթել Զվերևին: Տորոնտոյի մրցաշարի վճռորոշ խաղում Կարենը կմրցի ամերիկացի թենիսիստ Բեն Շելտոնի հետ: Եթե Խաչանովը հաղթի «Մասթերս»-ում, ապա կվերադառնա համաշխարհային վարկանիշային աղյուսակի լավագույն տասնյակ: