Նոա-Լինկոլն Ռեդ Իմպս հանդիպման տոմսերն արդեն վաճառքում են
Եվրոպա Լիգայի որակավորման երրորդ փուլի` «Նոա» – «Լինկոլն Ռեդ Իմպս» պատասխան հանդիպման տոմսերն արդեն հասանելի են։ Այս մասին հայտնում է «Նոայի» մամուլի քարտուղարությունը:
Տոմսերը կարող եք ձեռք բերել՝ այցելելով noah.am, ընտրելով խաղը և սեղմելով «ԳՆԵԼ ՏՈՄՍ» կոճակը։
Տոմսերի արժեքը՝ 1500–2000 դրամ։
Հանդիպումը կկայանա օգոստոսի 14-ին` ժամը 21:00-ին, Աբովյանի Վահագն Թումասյանի անվան մարզադաշտում։ Թիմերի միջև կայացած առաջին խաղն ավարտվել է ոչ-ոքի՝ 1:1 հաշվով:
«Դուք մեր թիմի շարժիչ ուժն եք, որը առաջ է մղում մեզ դեպի պատմական նվաճումներ։ Կսպասենք բոլորիդ մարզադաշտում մեր թիմի կողքին»,- ասվում է ակումբի տարածած հաղորդագրության մեջ։
