Սպարտան Կոնֆերենցիաների լիգայի մակարդակի թիմ չէ․ Մանուել Տուլիպա
Կոնֆերենցիաների լիգայի որակավորման 3-րդ փուլի «Սպարտա Պրահա»-«Արարատ-Արմենիա» խաղից հետո երևանյան ակումբի գլխավոր մարզիչ Մանուել Տուլիպան խոսել է խաղի մասին․
«Սպարտան բարդ մրցակից է և մենք հասկանում ենք նրանց մակարդակը, թե՛ որպես թիմ, թե՛ նրանց անհատական խաղացողների մակարդակը։ Մենք աճում ենք քայլ առ քայլ, թե՛ որպես թիմ, թե՛ խաղային ձեռագիր ձեռք բերելու առումով։
Պետք է ընգծեմ, որ Սպարտան Կոնֆերենցիաների լիգայի մակարդակի թիմ չէ, այլ 1 քայլ բարձր՝ Չեմպիոնների լիգայի մակարդակի թիմ է։
1-ին կեսում խաղը որոշակիորեն բալանսավորված էր։ 2-րդ կեսում խաղը որոշակիորեն փոխվեց և ստեղծեցինք շանսեր։ Բայց երբ խոսում էինք մակարդակների տարբերության մասին, այս դեպքում էլ երևում է, որ մենք մեր շանսերը չենք օգտագործում, իսկ մրցակիցը, ի տարբերություն մեզ, իր շանսերն օգտագործում է»,-նշել է պորտուգալացի մասնագետը։
