Բասկետբոլի Հայաստանի ազգային հավաքականը մեկնել է Ալբանիա

Հայաստանի բասկետբոլի ազգային հավաքականը մեկնել է Ալբանիա՝ մասնակցելու 2027 թվականի Աշխարհի առաջնության նախընտրական փուլի վերջին խաղին։ Այս մասին հայտնում է ՀԲՖ մամուլի քարտուղարությունը: Հանդիպումը տեղի կունենա փետրվարի 20-ին:

Թիմը Բոգդան Կարաչիչի գլխավորությամբ հանդես կգա հետևյալ կազմով՝ Ալբերտ Թադևոսյան, Անդրե Սպայթ Մկրտչյան, Քրիս Ջոնս, Զաք Թավիտյան, Արայիկ Գևորգյան, Գաբրիել Աճեմյան, Յուրա Մելիքյան, Դավիթ Խաչատրյան, Կարեն Մելիքյան, Դանիել Կիրակոսյան, Հայկազ Գրիգորյան, Միհրան Ներսես:

Մարզչական շտաբում ընդգրկված են հույն մասնագետ Կոստաս Պապավասիլեոուսը և Հայաստանի պատանեկան հավաքականի գլխավոր մարզիչ Միքայել Պողոսյանը։