Հայաստանի ազգային հավաքականի կիսապաշտպանը կարիերան կշարունակի Սաուդյան Արաբիայում

Հայաստանի ազգային հավաքականի կիսապաշտպան Սոլոմոն Ուդոն պայմանագիր է կնքել Սաուդյան Արաբիայի 2-րդ լիգան ներկայացնող «Ալ Արաբի» հետ։

Այս մասին տեղեկացրել է «Ալ Արաբիի» մամուլի ծառայությունը։

Ուդոն, որը վերջերս էր հեռացել «Փյունիկից», 22 հանդիպում է անցկացրել Հայաստանի ազգային հավաքականի կազմում։

30-ամյա ֆուտբոլիստը հանդես է եկել նաև «Արարատում», «Ուլիսում», «Շիրակում», «Ուրարտուում», «Արարատ-Արմենիայում» և ղազախական թիմերում։