Խաչանովը հաղթանակով է մեկնարկել Ցինցինատիի Մասթերսում

Ռուսաստանը ներկայացնող հայ թենիսիստ, աշխարհի 12-րդ ռակետ Կարեն Խաչանովը հաղթանակով է մեկնարկել ԱՄՆ-ի Ցինցինատի քաղաքում ընթացող Մասթերսում։

Խաչանովը, 1 ժամ 50 րոպե տևած մրցախաղում, հաղթել է 102-րդ ռակետ, ֆրանսիացի Վալենտին Ռուայեին` 2:0 (6:4. 7:5) հաշվով։

Հաջորդ փուլում Խաչանովի մրցակիցը 101-րդ ռակետ, ԱՄՆ-ը ներկայացնող Ջենսոն Բրուկսբին է։

Ի դեպ, սա Խաչանովի 200-րդ հաղթանակն էր կոշտ ծածկույթին։ Այս ցուցանիշով, 1996 թվականից հետո ծնված թենիսիստների շարքում 7-րդն է։